Vielha, 18/12/2017

Airaus

Conselh Generau d'Aran
Cultura e Politica Lingüistica
Torisme Val d'Aran





¿Recuperar clau?
CONCORS D'ECOJOGUETS 2014 Imprimir E-Mail

Eth Departament d’Agricultura Ramaderia e Miei Naturau amassa damb er airau de gestion de residus deth Conselh Generau d’Aran, convòquen eth Concors d’Ecojoguets (joguets elaboradi damb materiau reciclat), entà collaborar damb era VI Setmana Europèa dera Prevencion de Residus organizada pera Agència de Residus de Catalunya.

Era Setmana Europèa dera Prevencion de Residus nèish d'un projècte  de res ans qu'arrecep eth supòrt deth programa LIFE+ dera Comission Europèa. Er objectiu eu d'organizar pendent ua madeisha setmana per tota Euròpa, accions de sensibilizacion sus era prevencion de residus.

 

Er objectiu deth concors ei concienciar deth besonh de reciclar e reutilizar es materiaus deth nòste entorn en tot desvolopar era imaginacion e era creativitat elaborant un joguet pròpi.

 

 

 

BASES DETH CONCORS

1. Participants

I poderàn participar es mainatges que corsen educacion primària e educacion segondària obligatòria, de 6 a 15 ans.

Era participacion en aguest concors supòse era totau acceptacion d’aguestes bases.

 

2. Caracteristiques

Cada participant poderà presentar sonque un joguet.

Es joguets auràn d’èster  elaborats damb materiaus reciclats, que se poguen trobar  en nòste entorn e que ja non s’utilizen (tetabriks, carton, tapes...) o materiaus que se poguen trobar ena natura.

Es objèctes presentats auràn d’èster acompanhats de:

  • Ua ficha qu'includisque eth nòm, edat deth mainatge, eth títol, es materiaus utilizadi e es instruccions d’usatge (se son de besonh).
  • Era autorizacion signada pes pairs entà participar en concors e entar emplec des imatges realizades pendent eth concors.

Es objèctes presentats auràn d’èster originaus e non auer participat damb anterioritat en aute concors.

 

3. Tèrme

Eth tèrme entà presentar es joguets serà era setmana deth 24 ath 28 de noveme de 2014 tàs 15 ores en Departament d’Agricultura Ramaderia e Miei Naturau:

 

Conselh Generau d’Aran

Passeg dera Libertat, 16

25530 Vielha l Tel.
 Telefòn: 973 64 18 01


 

4. Jurat

Eth jurat serà composat per persones deth departament de Miei Ambient e per expèrts en arts plastiques.

Eth jurat velharà per estricte compliment des normes deth concors e resolverà es casi dobtosi que s’agen pogut presentar. Eth jurat valorarà era originalitat deth joguet, e era abilitat manuau en foncion dera edat deth mainatge e eth dessenh. Eth sòn veredicte non pòt èster apellable.

 

5. Prèmis

Es prèmis s’autrejaràn en mes de deseme deth 2014, se dividiràn en categories en foncion des edats e nombre de participants. Es prèmis se haràn efectius en activitats entà gaudir ena Val d’Aran.

 

6. Retorn deth materiau

Eth Departament d’Agricultura, Ramaderia e Miei Naturau deth Conselh Generau d’Aran retornarà as participants es objèctes presentats un viatge age finalizat eth concors.  

 

7. Informacion

Entà quinsevolh dobte o incidéncia podetz adreçatz-vos tath Departament d’Agricultura Ramaderia e Miei Naturau, a trauès deth 973641801 o de Aguesta direccion de corrèu electronic ei protegida contra es robòts de spam, a de besonh auer Javascript activat entà poder veder-la , persona de contacte,  Cristina Madruga.